SON DƏQİQƏ

MİQ üzrə müddətli əmək müqaviləsi ilə işə qəbulun nəticələri açıqlanıb

215 baxış 1 dəq
MİQ üzrə müddətli əmək müqaviləsi ilə işə qəbulun nəticələri açıqlanıb

Müəllimlərin işə qəbulu (MİQ) üzrə müsabiqənin müddətli əmək müqaviləsi ilə vakansiya seçimi mərhələsində 1467 namizəd uğur qazanıb.

Bu barədə "NAXÇIVANXƏBƏRLƏRİ"-nə Məktəbəqədər və Ümumi Təhsil üzrə Dövlət Agentliyindən (MÜTDA) məlumat verilib.

Qeyd olunub ki, avqustun 28-dən 31-dək keçirilən vakansiya seçimində 1467 namizəd uğur qazanıb. Onlar müddətli əmək müqaviləsi ilə müəllim kimi fəaliyyət göstərmək imkanı əldə ediblər.

Reklam
Reklamınız burada ola bilər +994 50 227 80 27

Müddətli əmək müqaviləsi ilə vakansiya seçimində uğur qazanan namizədlər sentyabrın 10-u saat 18:00-dək zəruri sənədləri aidiyyəti yerli təhsili idarəetmə orqanına təqdim etməlidirlər.

Bildirilib ki, yalnız çıxarışı aidiyyəti yerli təhsili idarəetmə orqanı tərəfindən təsdiqlənmiş namizədlərin işə qəbulu rəsmiləşdiriləcək.

Namizədlərə sənədlərini təqdim etdikdən sonra şəxsi səhifələrinə daxil olaraq çıxarışın təsdiqlənib-təsdiqlənmədiyini yoxlamaq tövsiyə olunub.